कर्णाली नदीमा डुंगा पल्टिँदा एक किशोर बेपत्ता, दुई जना बच्न सफल

१७ भदौ, काठमाडौं । आइतबार दिउँसो कर्णाली नदीमा डुंगा पल्टिँदा एक किशोर बेपत्ता भएका छन् । दैलेखको आठबीस नगरपालिका–१ रामाघाट खोला र कर्णाली नदीको दोभानमा डुंगा खेल्ने क्रममा डुंगा पल्टिएको थियो ।

त्यसक्रममा चामुण्डाविन्द्रासैनी नगरपालिका–७ का १६ वर्षीय शिवबहादुर शाही बेपत्ता भएको  जिल्ला प्रहरी कार्यालय दैलेखका प्रहरी निरीक्षक कमलप्रसाद आचार्यले जानकारी दिए । 

डुंगामा रहेका १७ वर्षीय टेकप्रसाद चौलागाईं र १६ वर्षीय छत्र हमाल भने पौडिएर बच्न सफल भएका छन् । बेपत्ता शाहीको खोजी भइरहेको प्रहरीले जनाएको छ ।