कांग्रेस सहमहामन्त्री यादवमाथि खुकुरी प्रहार, भृकुटीमण्डपबाट खुकुरीसहित सापकाेटा पक्राउ

२० भदौ, काठमाडौं । नेपाली कांग्रेसका सहमहामन्त्री महेन्द्र यादवमाथि खुकुरी प्रहार भएको छ । रिपोर्टर्स क्लब नेपालको कार्यालय भृकुटीमण्डपमा साक्षात्कारमा सहभागी भएर निस्किने क्रममा यादवमाथि खुकुरी प्रहार भएको हो । 

 रिपोर्टर्स क्लब नेपालको साक्षात्कारमा सहभागी भएर निस्किने क्रममा यादवमाथि खुकुरी प्रहार भएको हो । यादवलाई उपचारका लागि ट्रमा सेन्टर लगिएको छ । उनको अवस्था खतरामुक्त रहेको बताइएको छ । नुवाकोटको विदुर नगरपालिका–७ घर भएका ४७ वर्षीय श्यामबहादुर सापकोटाले उनीमाथि खुकुरी प्रहार गरेका हुन् । खुकुरी प्रहार गर्ने सापकोटा आफू राजावादी भन्ने गर्छन् ।

यादवलाई सांघातिक आक्रमण गर्ने सापकोटालाई प्रहरीले नियन्त्रणमा लिएको छ । सापकोटालाई घटनास्थलबाटै प्रहरीले पक्राउ गरेको छ । पक्राउपछि सापकोटाको हातबाट प्रहरीले खुकुरी खोसेको थियो । उनलाई अहिले काठमाडौं प्रहरी परिसर सिंहदरबारमा राखिएको छ ।  प्रहरीले थप अनुसन्धान अगाडि बढाएको छ ।