दमकको बाल अस्पताललाई छोइङ डोल्मा फाउण्डेसनद्वारा १ करोड ८० लाख सहयोग

२५ भदौ, काठमाडौं । गायिका आनी छोइङ डोल्माले झापाको दमकमा संचालित बाल अस्पताललाई एक करोड ८० लाख रुपैयाँ आर्थिक सहयोग गरेकी छन् । सोमबार काठमाडौंमा आयोजित कार्यक्रममा आनी छोइङ डोल्मा फाउण्डेसनको तर्फबाट काठमाडौं इन्स्टिच्युट अफ चाइल्ड हेल्थका प्रमुख प्राडा भगवान कोइरालालाई उक्त सहयोग रकम हस्तारण गरिएको हो । 

सहयाेग रकमको चेक गीतकार दुर्गालाल श्रेष्ठले हस्तान्तरण गरे । आफूले गीत संगीतबाट आर्जित रकमलाई बालबालिकाको संरक्षणका लागि प्रदान गरेको आनी छोइङ डोल्माले बताइन् । साँचो कर्म गरे हरेक मानवलाई सकारात्मक परिणाम प्राप्त दिने उनको भनाइ थियो । 

प्राडा कोइरालाले मुलुकमा एक हजार बच्चा जन्मदा ३३ जनाको मृत्यु हुने गरेको दृष्टान्त पेस गरे । प्राप्त सहयोग बालबालिकाको स्वास्थ्योपचारमा उल्लेख्य सहयोग पुग्ने बताए ।