भौतिक पूर्वाधार मन्त्रालयका ९ जना सहसचिवको सरुवा

२७ भदौ, काठमाडौं । भौतिक पूर्वाधार तथा यातायात मन्त्रालयले सिभिल समूह र हाइ–वे उपसमूहका ९ जना सहसचिवहरुको सरुवा गरेको छ । जसअनुसार सडक विभागको पुल महाशखामा कार्यरत उपमहानिर्देशक नरेशमान शाक्यलाई सडक विभाग अन्तर्गतकै गुणस्तर अनुसन्धान तथा विकास केन्द्रमा सरुवा गरिएको छ । केन्द्रका निर्देशक अजयकुमार मुललाई हुलाकी राजमार्ग आयोजना निर्देशनालयमा पठाइएको छ ।

संघीय सडक सुपरीवेक्षण तथा अनुगमन कार्यालय इटहरीका प्रमुख प्रेमप्रकाश खत्रीलाई सडक विभाग अन्तर्गतको उत्तर–दक्षिण तथा व्यापारिक मार्ग विस्तार आयोजनाको प्रमुख बनाइएको छ । आयोजनाको प्रमुख रहेका श्यामबहादुर खड्कालाई संघीय सडक सुपरीवेक्षण तथा अनुगमन कार्यालय सुर्खेतमा सरुवा गरिएको छ ।

संघीय सडक सुपरीवेक्षण तथा अनुगमन कार्यालय  कार्यालयको पोखराका प्रमुख ललिजन खनाललाई सडक विभागको पुल महाशाखामा उपमहानिर्देशकमा ल्याइएको छ । पुष्पलाल मध्यपाहडी लोकमार्ग आयोजना निर्देशनालयका प्रमुख हरिकुमार पोखरेललाई सडक विभागको पुलतर्फ काज फिर्ता गरिएको छ । पोखरेललाई बलात्कार आरोप लागेको छ । 

संघीय सडक सुपरीवेक्षण तथा अनुगमन कार्यालयकै सुर्खेतका प्रमुख विनोदकुमार मौवारलाई संघीय सडक सुपरीवेक्षण तथा अनुगमन कार्यालय दमकमा सरुवा गरिएको छ । सोही कार्यालयको पोखराका प्रमुखमा हुलाकी राजमार्ग आयोजना निर्देशनालयका प्रमुख शुभराज न्यौपानेलाई पठाइएको छ । सडक विभागको पुल आयोजनाका उपमहानिर्देशक कुवेर नेपालीलाई पुष्पलाल मध्यपहाडी लोकमार्ग आयोजना कार्यालयमा पठाइएको छ । 

यस्तै, यातायात व्यवस्था विभागमा पनि नयाँ महानिर्देशकमा उद्ववप्रसाद रिजाललाई पठाइएको छ । महानिर्देशक पद डेढ महिनादेखि रिक्त थियो ।  एकीकृत समाजावदीको भागमा परेको मन्त्रालयको जिम्मेवारी प्रकाश ज्लालाले सम्हालिरहेका छन् ।