फुटपाथ व्यवसायीको वैकल्पिक व्यवस्थापनको माग गर्दै महानगरअगाडि अभियन्ताहरुको प्रदर्शन

२ असोज, काठमाडौं । काठमाडौंका फुटपाथ व्यवसायीहरुको वैकल्पिक व्यवस्थापनको माग गर्दै अभियन्ता ईः र चाउ न्यौपानेले काठमाडौं महानगरपालिका अगाडि उभिएर विरोध प्रदर्शन थालेका छन् ।

मंगलबार दिउँसो १ बजेदेखि महानगरका मेयर बालेन साहको कार्यकक्ष रहेकाे राष्ट्रियसभा गृह अगाडि छातीमा प्लेकार्ड राखेर उभिएका उभिएका छन् । उनीहरु ७७ घण्टासम्म यसरी नै उभिने भएका छन् ।

काठमाडौं महानगरले आफ्नो क्षेत्रभित्र फुटपाथ व्यवसायीहरुलाई बलपूर्वक हटाएपछि झण्डै ३ महिनादेखि  ‘गरिबको चमेली बोलदिने कोही छैन’ अभियान चलाइरहेका छन् । 

महानगरका जनप्रतिनिधिहरुले फुटपाथ र त्यहाँ व्यवसाय गरिरहेकाहरुको सहज व्यवस्थापन गर्ने वाचा गरेपनि अहिले बेवास्ता गरेको आरोप उनीहरुको छ । उनीहरुले गरिब होइन, गरिबी हटाउनुपर्ने तर्क गरेका छन् ।

परम्परागत मजदुर सडक, साइकल र गाडालाई वैकल्पिक रुपमा व्यवस्थापन हुनुपर्ने, शहर कसका र कस्तालाई मात्र हो ? भनेर प्रश्न समेत गरेका छन् । समस्या समाधान गर्न आफूहरुले सहजीकरण गर्न खोजेको तर मेयर साहले भेट नदिएपछि बाध्यक भएर कार्यकक्ष अगाडि ७७ घण्टासम्म निरन्तर उभिएर विरोध जनाउने क्रम सुरु गरिएको बताए ।