‘देशै रमाइलो’ गीतको अफिसियल म्युजिक भिडियो सार्वजनिक

७ असोज, काठमाडौं । “भोइस अफ नेपाल सिजन ४” को नकआउट राउडसम्म पुगेका गायक तथा संगीतकार विश्व शान्त राई र गायिका पासाङ याङजू शेर्पाले ‘देशै रमाइलो’ गीतको अफिसियल म्युजिक भिडियो सार्वजनिक गरेका छन् ।

गीतकार चिरन राईको शब्दमा स्वयम् गायक विश्व शान्त राईको संगीत, सुगुन लिम्बुको संगीत संयोजन र योगेन मुकारुङको मिक्सिङ तथा मास्टरिङ रहेको छ । 

भिडियोमा विश्व शान्त राई, पासाङ याङजू शेर्पा र ठाकुर राईको अभिनय  रहेको छ । सो भिडियो क्रिस्टीना तामाङको श्रीङ्गार, जयन्द्र कुँवरको छायांकन र जीवन मुकारुङले सम्पादन गरेका हुन् ।

सेवा रेकर्डिङ स्टुडियोमा योगेन मुकारुङ द्वारा रेकर्ड गरिएको उक्त गीत सेवा इन्टरटेन्टमेन्ट अफिसियल युट्युब च्यानलबाट सार्वजनिक भएको हो ।

धनकुटा जिल्ला सगुरी गापा वडा नं १० मा जन्मेका गायक तथा संगीतकार विश्व शान्त राईले १४ वर्षबाट निरन्तर नेपाली गीत, संगीतमा लागिपरेका छन् । उनले हालसम्म तीन दर्जन गीतमा आवाज र दुई दर्जन गीतमा संगीत भरिसकेका छन् ।