२५ वर्षअघि गैंडालाई खाल्डोमा पारी खाग काटेर लैजाने ४ जना प्रहरीकाे नियन्त्रणमा

८ असोज, काठमाडौं । चितवन राष्ट्रिय निकुञ्जमा एक सिंगे गैंडालाई खाल्डोमा पारेर मारेको अभियोग लागेका ४ जना २५ वर्षपछि प्रहरीको फन्दामा परेका छन् । 

२०५५ साल कात्तिक २८ गते निकुञ्जको पन्ना खोलानजिक खाल्डोमा गैंडा पारेर खाग काटी लगेका व्यक्तिहरू अढाइ दशकपछि प्रहरीको फन्दामा परेका हुन् । उनीहरू विभिन्न स्थानमा लुकीछिपी बसिरहेका बेला विशेषा सूचनाका आधारमा पक्राउ गरिएकाे हाे ।

पक्राउ पर्नेहरुमा विष्णु कार्की, काले बानियाँ भनिने गोगनबहादुर बानियाँ क्षेत्री, यामबहादुर बानियाँ र हरि कार्की रहेका छन् । चारै जनलााई शनिबार पक्राउ गरिएको निकुञ्जका संरक्षण अधिकृत गणेशप्रसाद तिवारीले बताए ।