बनावट र डिजाइनले चिरिच्याँट्ट चक्रपथ, छेउछाउ हरियाली [ फोटोफिचर ]

मनिष अर्याल / नेपाल फोटो लाइब्रेरी 

 १३ असोज, काठमाडौं । चक्रपथ बिस्तार अन्तर्गतको पहिलो खण्ड कलङ्की – कोटेश्वर सडकखण्ड सबैलाइ मनपर्ने सडक मध्यमा पर्छ । सबैले चासोको साथ हेर्ने सडक लायकको बनेको छ । चिन सरकारले ८ लेनमा बिस्तार गरेर २०७५ सालमा हस्तान्तरण गरेको यो सडक खण्डको दुरी १०।३९ किमि छ ।

बनिसकेपछि पनि धेरै त्रुटिहरु देखिएको यो पहिलो खण्ड नेपालको नमुना सडक मध्यमा पर्छ । सडकको बनावट र डिजाइन हेर्दा साच्चै बाहिर विदेश तिरको सडक जस्तो लाग्छ । वर्षभरिको मौसम अनुसार यो सडकखण्डको स्वरुप नै बद्लिन्छ । सडक चौडा मात्र छैन, बलियो पनि छ ।

जमिन भासिन सक्ने ठाउँमा १५ फिटसम्म माटो झिकेर ग्राभल भरिएको छ । सडक ८ लेनका भएकाले यस सडक छेउछाउमा बिभिन्न बोट बिरुवाहरु लगाइएको छ । जुन ४ वटै मौसम अनुसार आफ्नो रुप फेर्ने गर्छन । नयाँ वर्षसङ्गै ज्याकाराण्डा फुलले बाटो नै ढाकेको देख्न पाइन्छ ।

भर्खरै मनसुन सकिएसङ्गै अहिले सडक छेउछाउ हरियाली छन्। कोटेश्वर देखि बल्खु पुल सम्म सडकमा भएका बोटबिरुवाले आदि चक्रपथ हरियाली बनाइदिएको छ । सडक छेउ फुटपाथमा हिँड्ने सर्वसाधारण देखि सडकमा कुदाउनेहरुको आखा सडक छेउछाउ गैहाल्छ ।

फराकिलो, स्तरीय र सुन्दर१ कुनै विकसित देशको भन्दा कम राम्रो देखिँदैन । यि दृश्य हरु हेर्दा यो हाम्रो देश नभै अरु ठाउँ कै हो कि जस्तो नी लाग्न सक्ला तर हैन यो तस्बिर हरु चक्रपथ अन्तर्गत को पहिलो खण्ड कोटेश्वर– कलङ्की को हो ।

आफ्नो व्यवसायिक सामाजिक जिम्मेवारी अन्तर्गत एनसेल आजियाटा लिमिटेडले वन तथा भू–संरक्षण विभागसँगको सहकार्यमा यो सडकखण्डमा हरियाली निर्माण गरिरहेको पनि छ । हाललाइ चक्रपथ बिस्तार अन्तर्गत दोस्रो खण्डपनि गत वर्षको फाल्गुन देखि काम त सुरु भएको छ तर तेति गति भने लिन सकेको छैन ।