अनिश्चितकालिन कर्फ्युको घोषणा गरिएको नेपालगन्जको अवस्था सामान्य बन्दै [ फोटोफिचर ]

१७ साउन, काठमाडौं । अनिश्तिकालिन कर्फ्युको घोषणा गरिएको नेपालगन्जको अवस्था अहिले सामान्य बन्दै गएको छ । बाँके प्रशासनले कर्फ्यु लगाएपछि मानिसहरू अत्यावस्यक काम बाहेक घर बाहिर निस्किएका छैनन् । धार्मिक हिंसा बढ्न सक्ने जोखिम बढ्दै गएपछि नेपालगन्जमा मंगलबार दिउँसो १ बजेदेखि स्थानीय प्रशासनले कर्फ्यु लगाएको थियो । नेपालगन्ज अहिले सुरक्षाकर्मीको नियन्त्रणमा छ । 

भारतबाट नेपाल आउने र नेपाल बाट भारत जानेहरूलाई भने सुरक्षाकर्मीहरूले स्कटिङ गरि गन्तव्य सम्म पुगाउने व्यवस्था गरिएको जिल्ला प्रहरी कार्यालय बाँकेका डीएसपी नारायण डांगीले जानकारी दिए । एक युवाको फेसबुक स्टाटसको विषयलाई लिएर विवाद बढ्दै गएपछि हिन्दु र मुस्लिम युवाहरू बीच विवाद उत्पन्न भएको थियो । अवस्था तनावपुर्ण बन्दै गएपछि मंगलबार दिउँसोदेखि नेपालगन्ज उप-महानगरपालिका क्षेत्रमा जिल्ला प्रशासन कार्यालय बाँकेले नगरक्षेत्रभित्र अनिश्चितकालिन कर्फ्यु लगाएको छ । तस्विर : खगेन्द्र दाहाल: नेपाल फोटो लाइब्रेरी