द्वन्द्वरत इजरायलमा पाँच हजार नेपाली रहेको अुनमान

२१ असोज, काठमाडौं  । प्यालेस्टाइनको चरमपन्थी समूह हमासको आक्रमणमा परी २५० जना इजरायली नागरिकको मृत्यु भएको छ ।  अन्तर्राष्ट्रिय समाचार संस्था बीबीसीका अनुसार हमासको आक्रमणमा परी एक हजारभन्दा बढी इजरायली घाइते भएका छन् ।

हमासले २० मिनेटमा ५ हजारभन्दा बढी रकेट इजरायलमा प्रहार गरेको थियो ।  रकेट आक्रमणसँगै हमासका लडाकूहरु हतियारसहित इजरायली भूमिमा प्रवेश गरेका थिए । बीबीसीका अनुसार हमास र इजयरायली सेनाबीच हाल २२ ठाउँमा भिडन्त भइरहेको छ । 

एक हजारभन्दा बढी प्यालेस्टाइनी घाइते भएका छन् । हमासको आक्रमणमा परी इजरायलमा एक फार्ममा काम गर्ने १४ मध्ये ९ जना नेपाली घाइते भएका छन् । घाइतेमध्ये दुई जनाको अवस्था गम्भीर रहेको परराष्ट्र मन्त्रालयले जनाएको छ । ९ जनामध्ये दुई जनाको अवस्था भने गम्भीर रहेको सरकारले जनाएको छ । 
 
इजरायलस्थित नेपाली दूतावासका अनुसार अहिले इजरायलमा चारदेखि पाँच हजार नेपाली रहेको अुनमान छ । शनिबार बिहान अचानक प्यालेस्टाइनको चरमपन्थी समूह हमासले इजरायलमा आक्रमण गरेपछि इजरायलमा रहेका नेपालीको संख्या खोजी हुन थालेको छ ।  दूतावास आफैँ अहिले त्यहाँ रहेका नेपालीको खोजी गरिरहेको छ ।