आममाफी पाएका ढकालविरुद्धको रिटमा प्रधानन्यायाधीश सहितको पूर्ण इजलासमा सुनुवाइ हुँदै
नेपालबहस संवाददाता
असोज २५, २०८० बिहिबार ११:२१:५८
२५ असोज, काठमाडौं । कर्तव्य ज्यान मुद्दाका अभियुक्त ‘रिगल’ भनिने योगराज ढकालको कैद माफीविरुद्ध बाँके नेपालगञ्जकी भारती शेर्पाले भदौ १७ मा दायर गराएको रिट निवेदनमाथि सुनुवाइका लागि बिहीबार सर्वोच्च अदालतको पूर्ण इजलासमा पेसी तोकिएको छ।
प्रधानन्यायाधीश विश्वम्भरप्रसाद श्रेष्ठ तथा न्यायाधीशहरू आनन्दमोहन भट्टराई र कुमार रेग्मीको इजलासमा पेसी तोकिएको छ । रिट सुनुवाइको दोस्रो नम्बरमा परेको छ ।
गत बिहीबार सर्वोच्च अदालतका न्यायाधीश मनोज शर्माको एकल इजलासले रिटको सुनुवाइ पूर्ण इजलासबाट हुनुपर्ने आदेश भएको थियो । रिट निवेदकले सर्वस्वसहित जन्मकैद पाएका ढकाललाई मिनाहा दिने सरकारको सिफारिस र राष्ट्रपतिको निर्णय बदरको माग गरेकी छन् । सरकार पक्षबाट महान्यायाधिवक्ता दिनमणि पोखरेलले समेत बहस गर्नेछन् ।
नेका तरुण दलका नेता समेत रहेका रिगल समेतको समूहले २०७२ असार २८ गते नेपालगन्जको सुर्खेत रोडस्थित धम्बोझी चोक नजिक नेपालगन्ज उपमहानगरपालिका–८ का २९ वर्षीय चेतन मानन्धरको खुँडा प्रहार गरी ढकालको हत्या गरेको मुद्दामा ढकाललाई मुख्य हत्याराको रुपमा जिल्ला अदालत बाँकेले दोषी ठहर गरेको थियो । तर उनलाई यही असोज ३ मा संविधान दिवसको अवसरमा सरकारको सिफारिसमा राष्ट्रपति रामचन्द्र पौडेलले कैद भुक्तान गर्न ढकालको बाँकी सजाय मिनाह गरिदिएका थिए । जुन निर्णयको विरोध भइरहेको छ ।
मानन्धर हत्याको १ महिनापछि २०७२ भदौ ७ गते रिगलले अदालतमा आत्मसमर्पण गरेका थिए । सर्वश्वसहित जन्मकैदको फैसलाअनुसार ढकाल २० वर्ष सजाय बस्नुपर्नेमा ५० प्रतिशत पनि कैद भुक्तान नगरी उनको कैद सजाय मिनाह गरिएको थियो । राम्रो चालचलन, आचरण देखाएका र तोकिएको कैद सजायमा पचास प्रतिशत भुक्तान गरिसकेका कैदी बन्दीलाई संविधान तथा गणतन्त्र दिवसको अवसरमा सरकारको सिफारिसमा राष्ट्रपतिबाट कैद माफी दिने व्यवस्था संविधानमा रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसन्दीप लामिछाने निर्दोष ठहर, जिल्ला अदालतको फैसला उच्चले उल्टायो
जेठ २, २०८१ बुधबार
सन्दीपको मुद्दाको सुनुवाइ सकियो, फैसला आउँदै
जेठ २, २०८१ बुधबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
तपाईको आजको राशीफल कस्तो छ ?
जेठ ६, २०८१ आइतबार
ट्राफिक प्रहरी जवानको हत्या आरोपमा ६ जना पक्राउ
जेठ ६, २०८१ आइतबार
हावाहुरीले उदयपुरमा करोडौँको क्षति
जेठ ६, २०८१ आइतबार
संसदीय छानबिन समिति गठन नभएसम्म संसद् बैठकमा अवरोध जारी रहन्छ : कांग्रेस
जेठ ६, २०८१ आइतबार
कांग्रेसले बोलायो संसदीय दलको बैठक
जेठ ६, २०८१ आइतबार
गृहमन्त्रीले फाइल खोलिदिउँ भन्ने होइन, धमाधम फाइल खोल्ने हो : गगन थापा
जेठ ६, २०८१ आइतबार
यान्त्रिक चेकिङ्गमा ७४ जना चालक कारबाहीमा
जेठ ६, २०८१ आइतबार
प्रतिनिधिसभाको बैठक स्थगित, अर्को बैठक भोलि बस्ने
जेठ ६, २०८१ आइतबार
इरानी राष्ट्रपति इब्राहिम रायसी चढेको हेलिकप्टर सम्पर्कविहिन
जेठ ६, २०८१ आइतबार