प्रतिनिधिसभा बैठकः दुई सांसदको गयल स्वीकृत

२६ असोज, काठमाडौं । प्रतिनिधिसभाको आजको बैठकले दुई जनाको गयल स्वीकृत गरेको छ । सांसद मनोरमा शेचन र दायल बहादुर शाहीको गयललाई स्वीकृत गरेको हो । 

सभामुख देवराज घिमिरेले चालु अधिवेशन अन्तर्गतको शेरचन १६ र शाही ११ वटा बैठकमा अनुपस्थित रहेको जानकारी दिँदै बिदा स्वीकृतका लागि सूचना प्रस्तुत गरेका थिए । उक्त सूचनालाई पारित गर्न राखेको प्रस्ताव बैठकमा सर्वसम्मत स्वीकृत गरेको हो । 

शेरचन बिरामी रहेको र हाल थेरापी गराइरहेकी छिन् भने शाही जिल्ला भ्रमणका क्रममा अनुपस्थित रहेको जानकारी बैठकमा दिइएको थियो ।

शेरचन नेपाली कांग्रेसकाे रूपेन्देही र शाही एमाले बाजुराबाट समानुपातिक सांसद हुन् । एक अधिवेशनमा चलेका बैठकमध्ये १० वटा बढी बैठकमा बिना जानकारी अनुपस्थित हुने सांसदकाे पद खारेज हुने संसद नियमावली छ ।