बैंक र फाइनान्सलाई त्रैमासिक विवरण सार्वजनिक गर्ने समय थपियो

२९ असोज, काठमाडौं । नेपाल राष्ट्र बैंकले वाणिज्य, विकास बैंक र फाइनान्सहरूलाई मासिक र त्रैमासिक वित्तीय विवरण सार्वजनिक गर्ने समय थप गरेको छ । नेपालीहरुको मुख्य चाडपर्व नजिकिएसँगै सार्वजनिक बिदा परेका कारण बैंकहरूलाई त्रैमासिक रिर्पाेट सार्वजनिक गर्ने समय थप गरेको हो ।

त्रैमास समाप्त भएको एक साताभित्र वित्तीय विवरण सार्वजनिक गरिसक्नुपर्ने व्यवस्था रहेकोमा अब केही समय थप गरिएको राष्ट्र बैंकले आज एक सूचना जारी गरेर जानकारी दिएको छ । 

राष्ट्र बैंकले वाणिज्य बैंकलाई ‘क’, विकास बैंकलाई ‘ख’ र फाइनान्सलाई ‘ग’ श्रेणीकाे इजाजतपत्र दिएकाे छ ।

चालू आर्थिक वर्षको पहिलो त्रैमासिक वित्तीय विवरण सार्वजनिक गर्ने समयमा दसैँ बिदा परेकाले पहिलो त्रैमासका लागि समय थप गरिएको हो । अब कात्तिक १७ गतेभित्र पहिलो त्रैमासिकको अपरिस्कृत वित्तीय विवरण सार्वजनिक गर्न सकिने कामु कार्यकारी निर्देशकद्वारा जारी सूचनामा जनाइएको छ ।