राष्ट्रसंघका महासचिव गुटेरेसको सम्बोधनका लागि संघीय संसदको संयुक्त बैठक आह्वान

१३ कात्तिक, काठमाडौं । मंगलबार संघीय संसदको संयुक्त बैठक आह्वान गरिएको छ । नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेसले सम्बोधन गर्ने प्रयोजनका लागि मंगलबार अपरान्ह ४ बजे बस्ने गरि संघीय संसदको बैठक आह्वान गरिएको हो । 

संघीय संसदमा महासचिव डा भरतराज गौतमका अनुसार मंगलबार अपराह्न ४ बजे डाकिएको संयुक्त बैठकलाई राष्ट्रसंघका महासचिव गुटेरेसले सम्बोधन गर्ने छ । मंगलबार उनले सम्बोधन गरेपछि बुधबारबाट संसद अधिवेशन अन्त्य गर्ने सरकारको तयारी छ । बुधबार केहि महत्वपूण विधेयकहरु समितिमा पठाएर सरकारले संघीय संसदको चालु अधिवेशन अन्त्य गर्ने भएको छ ।