विद्यालयमा यसरी मनाए देउसी भैलो

•सविन डोटेल

२५ कार्तिक, स्याङ्जा । चापाकोट नगरपालिकाको गंगालाल माध्यमिक विद्यालयले रमाइलो देउसी भैलो कार्यक्रम गरेको छ । आज विद्यालयमा शिक्षक विद्यार्थीहरूको समूहले सामूहिक कार्यक्रम गरेको हो।

विद्यालयका सहायक प्रधानाध्यापक गोपाल प्रसाद रेग्मीको अध्यक्षतामा भएको कार्यक्रमका प्रमुख अतिथि विद्यालयका पूर्व शिक्षक ज्ञानराज देवकोटा रहेका थिए । 

कक्षा १० का विद्यार्थी रविन गैह्रेको स्वागतबाट शुरु भएको कार्यक्रममा कक्षा १ देखि कक्षा १२ का विद्यार्थीहरूले कक्षागत रूपमा पालैपालो देउसी भैलो नाचगान गरी रमाइलो गरेका थिए ।  

यता शिक्षक शिशिर आचार्यले सो कार्यक्रम दीपावलीको अवसरमा गरेकोले सम्पूर्ण विद्यार्थीहरूलाई धन्यवाद समेत दिँदै हामीलाई जानकारी दिए छन् । कार्यक्रमको संचालन  कक्षा ९ का छात्रा मुसाका आचार्य र रुविना भण्डारीले गरेका थिए।