टिकटक प्रतिवन्धविरुद्ध सर्वोच्चमा १० रिट दर्ता, मंसिर ४ देखि प्रारम्भिक सुनुवाइ हुने

१ मंसिर, काठमाडौं ।  सरकारको टिकटक बन्द गर्ने निर्णयविरुद्ध सर्वोच्च अदालतमा १० रिट दर्ता भएका छन् । मन्त्रिपरिषद्को गत कात्तिक २७ गतेको निर्णयबाट सरकारले टिकटक बन्द गर्ने निर्णय गरेको थियो । उक्त निर्णयविरुद्ध अदालत खुलेकै दिन १० रिट दर्ता भएका हुन् । 
 
आइतबार छठ पर्वको बिदा परेकाले सबै रिटमा सोमबारका लागि सुनुवाइ तोकिएको सर्वोच्च अदालतका सहप्रवक्ता गोविन्द घिमिरेले जानकारी दिए । सबै रिटहरूमाथि एकसाथ सुनुवाइ हुनेछ । वरिष्ठ अधिवक्ता दिनेश त्रिपाठी, कानुनका विद्यार्थी पर्शुराम पाण्डेसहित १० जनाले रिट दायर गरेका छन् ।

पेश भएका सात वटा रिट निवेदनहरु दर्ता गर्दै सर्वोच्च अदालतले ४ मंसिरका लागि पहिलो पेशी तोकेको हो ।  रिट निवेदन दिनेमा अधिवक्ताहरू दिनेश त्रिपाठी, स्वागत नेपाल, जगन्नाथ दुलाल लगायत छन् । उनीहरूले सरकारको निर्णय पूर्ण रुपमा गैर संवैधानिक रहेको भन्दै उल्टाउन माग गरेका छन् ।

यसै बीच सर्वोच्चले टिकटक प्रतिवन्धविरुद्ध परेका रिटमा पहिलो पेसी मंसिर ४ गतेलाई तोकेको छ । भोलि शनिबार र पर्सी छटको सार्वजनिक विदा भएकाले सोमबारलाई पेशी तोकिएको हो । अधिवक्ता स्वागत नेपालद्वारा दायर रिटमाथि  सुनुवाइ हुने भएको हो ।