जबरजस्ती करणी गरेको अभियोगमा पक्राउ

३ मंसिर, बर्दिया । जबरजस्ती करणी गरेको अभियोगमा २५ वर्षीय युवकलाई  प्रहरीले पक्राउ गरेको छ । १६ वर्षीया किशोरीलाई जबरजस्ती करणी गरेको आरोपमा बारबर्दिया नगरपालिका-८ औंरी बस्ने लक्ष्मण थारूलाई आइतबार बिहान प्रहरीले पक्राउ गरेको हो ।

थारूले ती किशोरीलाई शनिबार राति जबरजस्ती करणी गरेको भन्ने उजुरीको आधारमा इलाका प्रहरी कार्यालय बनियाभारबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।