बल्खु क्षेत्रमा भीड नियन्त्रण गर्न सुरक्षाकर्मीकाे बाक्लो उपस्थिति [ फोटोफिचर ]

७ मंसिर, काठमाडौं । नेकपा एमाले नेता महेश बस्नेत समर्थक समुह र दुर्गा प्रसाईं समर्थकबीच झडप भएको छ । कालिमाटीबाट युवा संघका कार्यकर्ता बल्खुमा आएपछि बल्खुमा रहेका दुर्गा प्रसाईं समर्थक र युवा संघका कार्यकर्ताबीच झडप भएको हो । दुई पक्षबीच ढुंगा हानाहान भएको छ ।

बल्खु क्षेत्रमा थप सुरक्षाकर्मी केन्द्रित गरिएको छ । बल्खुमा विभिन्न ठाउँबाट जुलुससहित प्रदर्शनकारी आइरहेका छन् । आज दुर्गा प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाउ अभियानले बल्खुमा प्रदर्शन गर्न लागेको हो ।