प्रसाईंको गणतन्त्र विरोधी अभियानमा समर्थन जनाउने ५ जना प्रहरीको नियन्त्रणमा

८ मंसिर काठमाडौं । गणतन्त्र विरोधी अभियानमा लागेका दुर्गा प्रसाईं समूहका ५ जना समर्थकलाई प्रहरीले पक्राउ गरेको छ । काठमाडौंको विभिन्न ठाउँबाट दुर्गा प्रसाईंको अभियानका समर्थकहरू पक्राउ परेको प्रहरीले जनाएको छ । कार्यकर्ताहरू पक्राउ परको भन्दै प्रसाईंले पत्रकार सम्मेलन गर्ने बताएका छन् । 

बिहिबार बल्खुमा भएको कार्यक्रममा प्रसाईंका कार्यकर्ताहरूले निषेधित क्षेत्र तोड्न खोजेका थिए । दुर्गा प्रसाईंको आन्दोलनलाई समर्थन गरेका ५ जना राजावादीलाई  पक्राउ गरिएको प्रहरीकाे भनाइ छ । पक्राउ पर्नेमा शाही युवा शक्तिका अध्यक्ष पशुपति खड्कासहित ५ जना छन् । खड्का काठमाडौँको फुटुङबाट पक्राउ परेको प्रहरीले जनाएको छ । 

सुन्धाराबाट १ जना र थापाथलीबाट ३ जनालाई पक्राउ गरिएको जिल्ला प्रहरी परिसर काठमाडौंले जनाएको छ । पक्राउ पर्नेमा मुनेन्द्र राजभण्डारी, सतिष न्यौपाने, अनुप शाही, आवास खड्का छन् ।