अदालतले गर्यो कमेडियन अपूर्व क्षितिजलाई १० हजार जरिवाना

१२ मंसिर, काठमाडौं । जिल्ला अदालत काठमाडौंले कमेडियन अपूर्व क्षितिज सिंहलाई १० हजार रूपैयाँ जरिवानाको सजाय सुनाएको छ । न्यायाधीश कपिलमणि गौतमको इजलासले सार्वजनिक शान्ति विरुद्ध र जातीय भेदभाव तथा छुवाछुत सम्बन्धी र सामाजिक रितिस्थितिमा खलल सम्बन्धी कसुरमा आंशिक दोषी ठहर गर्दै १० हजार रूपैयाँ जरिवाना गरेको हो । 

युट्युबमा स्ट्याण्ड अप कमेडी शो ‘कमेडी सर्कल’ सञ्चालन गर्दै आएका अपूर्व क्षितिजले नेवाः समुदायलाई होच्याउने गरी विषयवस्तु प्रशारण गरेको भन्दै उजुरी परेपछि २०७९ असोजमा पक्राउ परेका थिए । थुनछेक बहसपछि उनलाई जिल्ला अदालतले २ लाख ५० हजार रूपैयाँ धरौटीमा छाड्न आदेश दिएको थियो ।