न्यूरोडबाट करिब ७ किलो सुनसहित एक जना पक्राउ

 २० मंसिर, काठमाडौं । नेपाल प्रहरीको अनुसन्धान टोलीले संघी राजधानीको न्यूरोडबाट करिब ७ किलो अवैध सुनसहित एक जनालाई नियन्त्रणमा लिएको छ । काठमाडौँ उपत्यका अपराध अनुसन्धान कार्यालयको टोलीले कैलाली घर भई नागार्जुन बस्ने पदम पदमप्रसाद पाण्डेलाई नियन्त्रणमा लिएको हो ।  

उनको न्यूरोडस्थित ‘ओमपाल गोल्ड शप प्रालि’ सँगैको कारखानामा छापा मार्दा सो परिमाणमा अवैध सुन बरामद भएको हो । काठमाडौँ उपत्यका अपराध अनुसन्धान कार्यालयका एसपी रवीन्द्र रेग्मीले पाण्डेलाई पक्राउ गरेर सुन जोख्ने कार्य भइरहेको बताए । प्रहरीका अनुसार अनुमानित ७ किलो सुन प्रक्रिया पुयाएर जोख्ने काम सकिएपछि एकिन परिमाण आउनेछ । 

प्रहरीका अनुसार बरामद सुनमध्ये केही बिस्कुट आकार र केही गहना बनाइसकेको अवस्थामा फेला परेको छ ।  यसअघि न्यूरोड स्थित तस्करीको सुन गाल्ने एक कारखानामा छापा मारिएको जनाएको थियो ।