पहिचानवादीद्वारा एमालेको पाहुना गेट आगजनी, रुख ढालेर बाटो अवरोध गर्ने ८ जना पक्राउ

२६ मंसिर, ओखलढंगा । नेकपा एमालेले जारी राखेको संकल्प यात्राका क्रममा पाहुनालाइ स्वागतका लागि तयार पारिएको स्वागतद्वार पहिचानवादीले भत्काएर आगो लगाइदिएका छन् ।  संकल्प यात्रमा अवरोध नगर्न आग्रह गरेपनि यसलाई उनीहरुले अश्विकार गरेका छन् । 

एमाले यतिबेला झुलाघाट– चिवा भञ्ज्याङ्ग संकल्प यात्रामा रहेको छ । यसअघि संकल्प यात्रामा अवरोध नपु¥याउन एमालेले आग्रह गरेको थियो । पहिचानवादी पक्षधरले एमालेले बनाएको स्वागतद्वार भत्काइदिएपछि यहाँको स्थििति असामान्य बनेको छ । 

हाम्रा साथीहरुले विरोधस्वरुप ओखलढुंगामा रहेको गेट भत्काइदिनुभएछ,एमाले नेता दिपेन्द्र रुम्दालीले भने,हामीले शान्तिपूर्णरुपमा विरोध गर्दैछौँ । पहिचानवादीकाले एमालेको अभियानप्रति आफूहरुको कुनै अवरोध नभए एमाले नेताप्रति भएको बताएका छन् । 

कोशीमा एमालेको अभियानलाई अवरोध गर्न खोज्ने ८ जनालाई प्रहरीले पक्राउ गरेको छ । ओखलढुङ्गा, खोटाङ्गलगायतका जिल्लामा मध्यपहाडी लोकमार्गमा रुख ढालेर बाटो अवरोध गर्ने पहिचानवादीलाई पक्राउ गरिएको प्रदेश प्रहरी कार्यालय कोशीका प्रमुख डीआईजी राजेशनाथ बास्तोलाले बताए ।
 
एमालेको संकल्प यात्रालाई लक्षित गर्दै पहिचानवादीले बन्दसम्मका आन्दोलन घोषणा गरेपछि यहाँ सुरक्षा निगरानी बढाइएको छ । सङ्कल्प यात्राका क्रममा दिउँसो १ बजे एमाले अध्यक्ष केपी शर्मा ओली उदयपुर, ओखलढुंगा, खोटाङ र सोलुखुम्बुको संयुक्त व्यवस्थापनमा तयार पारिएको घुर्मी–हर्कपुर आउने कार्यक्रम छ । सो कार्यक्रमलाई अवरोध गर्न पहिचानवादीहरुले बन्दको आव्हान गरेका छन् ।