कर्मचारीको लापरबाहीका कारण निगमको दुइ करोड अझै ह्याकरको हातमा !
नेपालबहस संवाददाता
मंसिर २८, २०८० बिहिबार १४:२१:१२
२८ मंसिर, काठमाडौं । नेपालको एक मात्र राष्ट्रिय ध्वजावाहक नेपाल वायुसेवा निगमबाट केही महिनाअघि दुई करोड रुपैयाँ ह्याकरले ठगी गरेको पैसा अहिलसम्म प्राप्त हुन सकेको छैन । निगमको दुबई स्टेसनका कर्मचारीको लापरबाहीका कारण दुई करोड रुपैयाँ ह्याकरले ठगी गरी लगेको पैसा अहिलेसम्म पूर्ताल हुन नसकेको हो ।
बैंक खाता विवरणबारे सामान्य जाँचबुझसमेत नगरी ई–मेलमार्फत आएको विवरणअनुसार कर्मचारीहरूले रकम भुक्तानी गरिदिँदा निगमले दुई करोड नोक्सानी भएको स्रोतले जनाएको छ । रकम ह्याकरले लगेको विषयमा निगमले अहिले अध्ययन समिति बनाएर अध्ययन गर्नुका साथै रकम फिर्ता ल्याउनका लागि ३६ लाख रुपैयाँ खर्च गरेर परामर्शदातासमेत नियुक्त गरेको भएपनि सो रकम फिर्ता आउन नसकेको हो ।
गत भदौ महिनामै सो रकम गुमेको थियो । असोज महिनामा परामर्शदाता नियुक्त भएका थिए । सानो रकमको आदानप्रदानमा समेत दोहोरो जाँच गरेर खाता नम्बर यकीन भएपछि मात्रै भुक्तानी गर्नुपर्ने विषय सामान्य आर्थिक चेतना हुनुपर्नेमा कर्मचारीले भुक्तानी गरिदिएका थिए । निगमको दुबई स्टेसनले क्याटरिङ सेवा दिइरहेको कम्पनीलाई भुक्तानी गर्नुपर्ने रकम झुक्यानमा पारी ह्याकरले लगिदिएको स्रोतको दावी छ ।
निगमले ‘इमिरेट्स इन फ्लाइट क्याटरिङ’बाट क्याटरिङको सेवा लिइरहेको छ । सेवा लिएबापत निगमले उक्त कम्पनीलाई किस्तामा रकम भुक्तानी गरिरहेको थियो । ह्याकर समूहले दुबई स्टेसनको ई–मेल आईडी ह्याक गरी क्याटरिङ कम्पनीको खाता नम्बर परिवर्तन भएको र नयाँ खातामा रकम जम्मा गरिदिन भन्दै खाता विवरण पठाएको थियो । स्टेसनका कर्मचारीले उक्त ई–मेलबारे बुझबुझारत नगरी भनिएकै नयाँ खातामा रकम हालिदिँदा निगमको सोरकम गुमेको स्रोतको दावी छ ।
‘लामो समय भयो निगमलाई दुई करोड घाटा लागेको रकम फिर्ता आउने संभावना निकै कमजोर छ’, स्रोतले भन्यो । निगम स्रोतका अनुसार स्टेसनका कर्मचारीले ई–मेल आईडीमा खाता परिवर्तन भएको भन्दै पठाएको सूचना भेरीफाइ नगरी तीन किस्तामा गरी १ करोड ९१ लाख रुपैयाँ पठाएका थिए । त्यसरी रकम पठाइसक्दा पनि क्याटरिङ सेवा दिइरहेको कम्पनीले आफूहरूको भुक्तानी नभएको भन्दै पत्राचार गरेपछि मात्रै ह्याकरको हातमा रकम पुगेको थाह पाएका हुन् । उक्त खाताबाट ह्याकरले रकम झिकिसकेको छ । स्टेसनका कर्मचारीले रकम हालिदिएको खातामा अहिले एक रुपैयाँ पनि छैन । स्रोतका अनुसार रकम ह्याकरले लगेको विषयमा निगमले अहिले अध्ययन समिति बनाएर अध्ययन गरेको थियो ।
सो अध्ययन समितिले के रिपोर्ट बुझायो भन्नेबारेमा सार्वजनिक गरिएको छैन । साथै ह्याकरले लगेको रकम फिर्ता ल्याउनका लागि भन्दै निगमले १ लाख दिराम (झण्डै ३६ लाख रुपैयाँ) खर्च गरेर एउटा परामर्शदातासमेत नियुक्त गरेको गरेको थियो । जीएसएको सेटिङसँगै ह्याकरले रकम लगेको विषय मिलाउन निगमका अध्यक्ष युवराज अधिकारीसमेत असोजमा दुबई पुगेर फर्केका छन् । उनी पनि रित्तै फर्केको स्रोतले जनाएको छ । यस्तो गम्भीर लापरबाही गर्ने कर्मचारीलाई निलम्बन गरी छानबिन गर्नुपर्नेमा अहिलेसम्म निगम व्यवस्थापनले कुनै काम गरेको छैन । अध्यक्ष अधिकारीले आफू निकट कर्मचारीलाई नै दुबई स्टेसन पठाएकाले पनि उनी घटना लुकाउने प्रयासमा लागिरहेका स्रोतको दावी छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसेवा अवरुद्ध नगर्न इन्टरनेट सेवा प्रदायक कम्पनीहरुलाई दूरसञ्चार प्राधिकरणको चेतावनी
बैशाख २१, २०८१ शुक्रबार
श्रमिक दिवसका दिन श्रम मन्त्रालयले घोषणा गर्यो श्रमदान अभियान
बैशाख १९, २०८१ बुधबार
इन्डोनेसियाको पिटी पिएलएन नुसन्तराले नेपालमा ऊर्जा परियोजना विकासमा साझेदारी गर्ने
बैशाख १८, २०८१ मंगलबार
बस खोलामा खस्दा २० को मृत्यु, २१ जना घाइते
बैशाख २१, २०८१ शुक्रबार
आगामी साता हल्कादेखि मध्यम खालको वर्षा हुने प्रक्षेपण
बैशाख २१, २०८१ शुक्रबार
नौबीसे नागढुङ्गा सडक खण्डमा धमाधम पिच सुरु
बैशाख २१, २०८१ शुक्रबार
स्थानीय तहमा अनावश्यक कर्मचारी नराख्न निर्देशन
बैशाख २१, २०८१ शुक्रबार
टी–२० विश्वकप खेल्ने राष्ट्रिय क्रिकेट टीमको बिदाइ
बैशाख २१, २०८१ शुक्रबार
ट्राफिक सचेतनामा महानायक राजेश हमाल
बैशाख २१, २०८१ शुक्रबार
आगलागी प्रभावित गाउँपालिकालाई कामपाको आर्थिक सहयोग
बैशाख २१, २०८१ शुक्रबार
अछाममा बँदेलको आक्रमणबाट एक जना घाइते
बैशाख २१, २०८१ शुक्रबार
आगलागीबाट बझाङको अधिकांश भूभाग अँध्यारो
बैशाख २१, २०८१ शुक्रबार