संसदीय सुनुवाई समिति : न्यायाधीशमा सिफारिस ५ जनाकै नाम अनुमोदन

काठमाडौं । संसदीय सुनुवाई समितिले सर्वोच्च अदालतको न्यायाधीशमा सिफारिस ५ जनाकै नाम अनुमोदन गरेको छ ।सिंहदरबारमा बिहिबार बसेको समिति बैठकले ५ जनाको सुनुवाईपछि सर्वसम्मत रुपमा नाम अनुमोदन गरेको हो ।

न्यायपरिषदले केही दिनअघि सर्वोच्चको न्यायाधीशमा कुमार रेग्मी, हरि फुयाँल, मनोजराज शर्मा, प्रकाश ढुंगाना र सुष्मलता माथेमालाई सिफारिस गरेको थियो ।

बैठकमा प्रस्तावित न्यायाधीशहरुले आफ्नो कार्ययोजना पेश गरेका थिए । उनीहरुले सेवाग्राही नै सरकारले निशुल्क सेवा दिने वकिल राख्दाराख्दै महँगा वकिल खोज्न गएकाले न्याय महँगो पर्न गएको बताएका थिए ।

जनताको आफुहरु विश्वास जितेर आएकोले त्यस अनुसार आफुहरुले काम गर्ने उनीहरुले बताए । सर्वोच्चमा विचौलियालाई प्रवेश नरहेको भन्दै आगामी दिनमा त्यसलाई कडाईका साथ लागू गरिने उनीहरुको भनाई छ ।

बैठकमा समिति सदस्यहरुले संसदीय सुनुवाइ समितिमा न्यायाधीश सिफारिसबारे ५ वटा उजुरी परेको थियो । सुनुवाइ समितिबाट नाम अनुमोदन भएपछि अब उनीहरुको नियुक्ति राष्ट्रपतिबाट हुनेछ ।