बाँकेमा बोलेरोको ठक्करबाट प्रहरी जवानको मृत्यु अन्य एक घाइते

 दीपक शर्मा 

२९ मंसिर, बाँके । बाँकेमा बोलेरोको ठक्‍करबाट एकजना प्रहरीको मृत्यु भएको छ भने अन्य एक जना प्रहरी घाइते भएका छन । बिहिबार राति पुर्व पश्चिम राजमार्ग अन्तर्गत बाँकेको कोहलपुर नगरपालिका ३ मदनचोक नजिकै अनियन्त्रित हुँदा भे १ च ३४०७ नम्बरको बोलेरो गाडिले ठक्कर दिँदा एक जना प्रहरी जवान र प्रहरी सहायक हवल्दार गम्भिर घाइते भएका थिए ।

घाइते दुवैलाई उपचारको लागी लगीएको क्रममा उपचार चल्दा चल्दै रुकुम पश्चिम  मुसीकोट घर भई कोहलपुरमा कार्यरत प्रहरी जवान ३२ वर्षिय विशाल वलीको मृत्यु भएको बताइएकाे छ ।

बर्दिया बाँसगढि नगरपालिका ५ घर भई कोहलपुरमा कार्यरत ३२ वर्षिय प्रहरी सहायक हवल्दार लालबहादुर बुढा क्षेत्रीको अवस्था गम्भिर रहेको जिल्ला प्रहरी कार्यालय बाँकेमा सूचना अधिकारी एंव प्रवक्ता प्रहरी नायव उपरीक्षक नारायण डाँगीले जानकारी दिए। सो विषयमा प्रहरीले अनुसन्धान गरिरहेको समेत जनाएको छ ।