दुर्घटनामा मृत्यु भएका प्रहरीलाई सहपाठीको आर्थिक सहयोग

दीपक शर्मा 

५ पुस, बाँके । डिउटिको समयमा रहेको बेला दुर्घटनामा परी मृत्यु भएका प्रहरी जवानलाई  सहपाठीहरुले आर्थिक सहयोग गरेका छन । 

जिल्ला प्रहरी कार्यालय बाँकेका प्रहरी नायव उपरिक्षक नारायण डाँगीले मृतक प्रहरी जवान बिसाल ओलीको घरमै पुगी बाँके प्रहरी कार्यालयमा कार्यरत प्रहरी अधिकृत , हवल्दार तथा जवानहरुले २ लाख ५७ हजार ९ सय ८८ रुपैया रकम संकलन गरी मृतकका परिवारलाई हस्तान्तरण गरिएको बताए । 

पुर्व पश्चिम राजमार्ग अन्तर्गत बाँकेको कोहलपुर नगरपालिका ३  मदन चोकमा मंसीर २८ गते राती डिउटिमा रहेका रुकुम पश्चिम मुसीकोट १३ का ३२ वर्षिय प्रहरी जवान बिसाल ओलीको र बर्दियाका प्रहरी सहायक हवल्दार लालबहादुर बुढा क्षेत्रीलाई पुर्वबाट पश्चिम तर्फ गइरहेको भे १ च ३४९७ नम्वरको बोलेरो जिपले ठक्कर दिएको थियो ।

गम्भिर घाइते दुवैजनालाई तत्काल मेडिकल कलेज कोहलपुर लगिएको थियो अस्पताल पुगे लगत्तै ओलीको मृत्यु भएको थियो भने क्षेत्रीको उपचार चलिरहेको छ ।