फोर एचद्वारा एभरेष्ट एशिया लिडरशीप समीट घोषणा

नेपालबहस संवाददाता

पुस १७, २०८० मंगलबार १६:२५:११

१७ पुस, काठमाडौं । फोर एच नेपालले एभरेष्ट एशिया लिडरशीप समीट सन् २०२५ घोषणा गरेको छ । उक्त समीटमा नेपालसहित विश्वका ३० देशहरुबाट लगभग २०० जना सहभागी हुने जनाइएको छ । उक्त समिट नेपालमा आयोजना गरिने आयोजक संस्थाले जनाएको छ ।

समीटमा विश्व परिवेशमा एशिया नेतृत्व, जलवायु परिवर्तनमा एशियाको भूमिका, विश्वका लागि एशियाली अर्थतन्त्र, युवा रोजगार र प्रविधिका विकास, सांस्कृतिक आदानप्रदान लगायतका विषयमा कार्यपत्र तथा कार्यशाला आयोजना गरिनेछ । साथै, नेपालको पर्यटन प्रबद्र्धनका लागि पर्यटकीय भ्रमणको कार्यक्रमसमेत रहेको फोर एच नेपालका अध्यक्ष लोकराज अवस्थीले जनाएका छन् ।

सम्मेलनमा सरकारका प्रतिनिधि, फोर एच संस्था, अन्तर्राष्ट्रिय संघ संस्था, दातृ निकाय, विश्वविद्यालय, निजी क्षेत्र, बहुराष्ट्रिय कम्पनी, अनुसन्धानकर्ता, कानुन विज्ञ, युवा उद्यमी लगायतको सहभागीता रहने पनि जनाइएको छ ।

समीटका लागि एभरेष्ट एशिया लिडरशीप समीटको लोगोसमेत सार्वजानिक गरिएको छ । समिटको मिति र स्थान तथा सहभागी हुने प्रक्रियाबारे जानकारी यसपछि दिइने आयोजक संस्था फोर एचले जनाएको छ । यस प्रकार समीट पहिलो सटक नेपालमा हुन लागेको आयोजकको दावी छ ।

null

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप