समाजसेवी रुंगटाको सहयोगमा विपन्नहरुलाई कम्बल वितरण

 

१८ पुस, वीरगञ्ज । जाडो बढेसँगै ग्रिनसिटी सामुदायिक सेवा केन्द्र आदर्शनगरले कम्बल वितरण गर्ने कार्यलाई निरन्तरता दिएको छ । सामुदायिक प्रहरी साझेदारी अन्र्तगत अल्पसंख्यक प्रहरी कार्यक्रम अनुसार  जिल्ला प्रहरी कार्यालय पर्सा , ग्रिनसिटी सामुदायिक सेवा केन्द्रको संयुक्त आयोजनामा वीरगञ्ज महानगरपालिका वडा नम्बर १६ स्थित नगवा धर्मशालामा एक कार्यक्रमका बीच कम्बल वितरण गरिएको हो । 

नगवा आसपासका गरिब तथा विपन्न परिवारलाई कम्बल वितरण गरिएको वडा प्रहरी कार्यालय विर्ताका प्रमुख प्रहरी निरीक्षक पुष्कर बोगटी जानकारी दिए । समाजसेवी तथा व्यवसायी मुरलीधर रुंगटाको सहयोगमा प्राप्त २ सय थान कम्बल उपलब्ध गराइएको ग्रिनसिटी सामुदायिक सेवा केन्द्र आदर्शनगरका अध्यक्ष जयप्रकाश खेतानले जानकारी दिए 

कार्यक्रममा  वीरगञ्ज महानगरपालिका वडा नम्बर १६ का वडाअध्यक्ष प्रशुराम चौरसिया, जिल्ला प्रहरी कार्यालय पर्साका प्रहरी नायब उपरीक्षक ध्रुब कुमार श्रेष्ठ, वडा प्रहरी कार्यालय विर्ताका प्रमुख प्रहरी निरीक्षक पुष्कर बोगटी, नेपाल पत्रकार महासंघ पर्साका उपाध्यक्ष युवराज खड्का, सामुदायिक सेवा केन्द्र मुर्लीका अध्यक्ष राम सर्राफ लगायतको उपस्थिति रहेको थियो ।