ओलीले मागे ५ सीट, तीन सीट लिए सहमति हुनसक्ने

१८ पुष, काठमाडौं । राष्ट्रियसभा निर्वाचनको सिट भागवण्डामा प्रमुख प्रतिपक्षी दल नेकपा एमाले पनि छिरेपछि सत्ता गठबन्धनमा समस्या थपिएको छ । गठबनधनभित्रै कुन दलले कति सीट पाउने भन्ने टुंगो नभइरहेका बेला एमालेलाई छुट्याएर बाँकी रहेका सीटमा मात्र भागबण्डा गर्नुपर्ने अवस्थामा गठबन्धन पुगेको छ । गठबन्धनको छलफल सकिएपछि बालुवाटार छिरेका ओलीले कम्तिमा ५ सीट मागेका छन् । 

ओलीले राष्ट्रियसभामा सहमति गरेर जाने हो भने एमालेका ९ जनाको सीट खालि हुँदैछ । त्यसमा आधी पाउनुपर्छ भन्ने माग हो । त्यसमा तपाइहरुबीच छलफल गर्नुपर्ला । ओलीको भनाई सुनाउँदै एक नेताले नेपालबहसलाई भने राष्ट्रियसभामा सहमति अनुसार विपक्षीलाई पनि समेटेर लाने र यथोचित सम्मान दिन हो भने यसपछिका विषयमा पनि सहमति गरेर जान सकिने ओलीको भनाई थियो । 

ओलीले ५ सीटको प्रस्ताव राख्दा प्रधानमन्त्री प्रचण्डले हासेर टारेका थिए । एमालेको यस्तो प्रस्ताव छ भनेर भोली विहानको बैठकमा राख्ने प्रधानमन्त्रीले बताए । कांग्रेस सभापति देउवा र प्रधानमन्त्री प्रचण्डबीच तीन सीट सम्म मिलाउन सकिनेमा सहमति भएको छ । एमालेलाई यो निर्वाचनमा शुन्यमा पुर्याउदा भोली अरु सहमति गर्नेपर्ने विषयमा समस्या आउने भन्दै प्रधानमन्त्री प्रचण्डले नै देउवालाई एमालेलाई बोलाउ भनेका थिए ।    

ओलीसँग राष्ट्रियसभाबाहेक भारतीय विदेशमन्त्री एस जयशंकरको नेपालमा हुन लागेको भ्रमण र त्यसमा नेपाल सरकारले गर्ने छलफलको एजेन्डाको बारेमा छलफल भएको थियो । ति नेताले भने दुई वटा विषयमा छलफल भयो । भोलि भारतीय परराष्ट्रमन्त्री नेपाल आउँदै हुनुहुन्छ । भारतसँग भएको कतिपय सन्धिका कुराहरु छन् । पञ्चेश्वरका विषयहरु छन् । त्यसमा कसरी जाने भन्ने छ । महाकाली सन्धि जो बनेको छ । त्यसमा उल्लेख भएका कुराहरुलाई कसरी हामीले उहााहरुसाग बसेर कुराकानी मिलाएर जान सकिन्छ ? यी विषयहरुमा प्रधानमन्त्री प्रचण्ड, सभापति देउवा र अध्यक्ष ओलीबीच छलफल भयो । 

कांग्रेस र माओवादीसँग एमालेले मागअनुसार सिट दिन नसक्ने अवस्था छ । कांग्रेस दलबाट जति सांसदको कार्यकाल सकिन्छ, त्यसभन्दा कममा चित्त बुझाउने पक्षमा छैन भने सत्ता गठबन्धनका अरु दललाई पनि मिलाउनुपर्ने दबावमा प्रधानमन्त्री प्रचण्ड छन् । कम्तीमा ३ सिटमा एमाले तयार भए भोली हिानको बैठकमै सहमति जुटछ, ति नेताले भने । सत्ता गठबन्धनको बैठक बिहीबार विहान ९ बजे बोलाइएको छ ।