राष्ट्रियसभा सदस्यको सीट भागबण्डाबारे भएन सहमति

२१ पुस, काठमाडौं । राष्ट्रियसभा सदस्यको सीट भागबण्डा गर्न सत्ता गठबन्धनको शनिवार चरण चरणमा भएको छलफल विना निष्कर्ष सकिएको छ । आइतबार बस्नेगरी शनिबारको छलफलबाट दलहरु उठेका छन् । शनिबार चार दलको छलफलपछि गठबन्धनका सानादल सम्मिलित बैठक बसको थियो । उक्त बैठकमा साना दलले आफ्ना माग राखेर बाहिरिएपछि फेरी ठूला दल सहमतिका लागि बसेका थिए ।

अन्तिमसम्म पनि कसले कति सीट लिने भन्नेमै सहमति हुननसकेको एक नेताले बताए । भोली आइतबार अन्तिम सहमति गरेर सीट फाइनल गर्ने उनको भनाइ छ । शनिबार साँझ प्रधानमन्त्री निवास बालुवाटारमा बसको बैठकमा भागबन्डाबारे प्रारम्भिक छलफल भए पनि निष्कर्षमा नपुगेको ति नेताले बताए ।