बुवा बन्दै गरेको खुशी फुटबलर किरण चेम्जोङले सार्वजनिक गरे

२२ पुस, काठमाडौं । राष्ट्रिय फुटबल टीमका पूर्वकप्तान किरण चेम्जोङ बुवा  हुन लागेको खुशी सेयर गरेका छन् । सामाजिक सञ्जाल मार्फत केही दिन अघि उनले पत्नी कञ्चन निरौलासँगको तस्विर सार्वजनिक गर्दै खुशीको खबर शेयर गरेका हुन् । 

उनीहरुको बेम्बी बम्पसहितका तस्वीर सामाजिक सञ्जालमा देख्न सकिन्छ । उनले आफूहरूलाई सन् २०२४ मा सन्तान लाभ हुन लागेको बताएका छन् । किरण र एयरहोस्टेस कञ्चन गत वर्ष भदौ १५ गते विवाह बन्धनमा बाँधिएका थिए । डेढ वर्ष लामो प्रेमपछि उनीहरूले विवाह गरेका थिए ।

गत वर्ष किरण सहभागी माजिया स्पोर्ट्स एन्ड आरसीले माल्दिभ्सको धिवेही प्रिमियर लिगको उपाधि जितेपछि किरणले सेलिब्रेसनकै क्रममा टीमको सामुन्ने प्रेमिकालाई औंठी लगाइदिएका थिए ।