कृष्णप्रसाद सिटौलाको योगदान हेरेर हामीले सहमति जनाएका हौँ, उहाँ राष्ट्रियसभाको अध्यक्ष बन्नुहुन्छः शेखर

२२ पुस, विराटनगर । नेपाली कांग्रेसका नेता डा. शेखर कोइरालाले कृष्णप्रसाद सिटौलालाई राष्ट्रियसभाको अध्यक्ष बनाउनका लागि कांग्रेसले उम्मेदवार बनाएको बताएका छन् ।  उनले विगतको योगदान हेरेर राष्ट्रियसभाको अध्यक्ष हुनेगरी उम्मेदवार बनाउन सहमति जनाएको बताए । 

सोमबार मनोनयन दर्तापछि बसेको कोशी गठबन्धन दलको बैठकमा नेताहरूले सिटौलालाई राष्ट्रियसभा अध्यक्ष बनाउनका लागि उम्मेदवार बनाएको उनको दावी थियो । बैठकमा उम्मेदवार छनोटमा असन्तुष्टि जनाएका नेता डाक्टर शेखर कोइराला पनि थिए । उनले सिटौलालाई राष्ट्रियसभा अध्यक्ष बनाउनका लागि उम्मेदवार बनाएको बताए ।

आफू हारेकालाई उम्मेदवार बनाउने पक्षमा नरहेको बताउँदै उनले सिटौलाको योगदानको इतिहास हेरेर सहमत भएको बताए । गठबन्धनमा सिटौलालाई राष्ट्रियसभा अध्यक्ष बनाउने सहमति भएको उनको भनाइ छ । बैठकमा सहभागी महामन्त्री विश्वप्रकाश शर्माले पनि सिटौलाले अब राष्ट्रियसभाको नेतृत्व गर्ने बताएका थिए ।