मातहतका अधिकारीलाई प्रहरी महानिरीक्षकको निर्देशन, अनुमति विना कतै नजानु र नबोल्नु
नेपालबहस संवाददाता
पुस २७, २०८० शुक्रबार १६:३४:३८
२७ पुस, काठमाडौं । नेपाल प्रहरी प्रधान कार्यालयले मातहतका प्रहरी अधिकारीहरूलाई कडा निर्देशन जारी गरेको छ । प्रहरी महानिरीक्षक बसन्त कुँवरको सचिवालयबाट जारी निर्देशनमा प्रहरी अधिकारीहरूलाई विना अनुमति कतै नजान र नबोल्न भनिएको छ ।
प्रहरी प्रधान कार्यालयका एक अधिकृतले दिएको जानकारी अनुसार मातहतका सबै विभाग, केन्द्रीय अनुसन्धान ब्यूरो, काठमाडौं उपत्यका प्रही कार्यालय र प्रदेश प्रहरी कार्यालयका नाममा पत्र पठाउँदै यस्तो निर्देशन जारी भएको हो । निर्देशन अवज्ञा भए विभागीय कारबाही गरिने उल्लेख छ ।
ती अधिकारीका अनुसार विभिन्न सरकारी तथा गैह्र सरकारी संघ–संस्थाका नीति निर्माण कार्य, साधारण सभा प्रशिक्षण, अन्तरक्रिया, सम्मान लगायत कार्यक्रममा गएर आफूखुशी बोल्ने क्रमले प्रहरीको चेन अफ कमाण्डमा समस्या आएपछि यस्तो निर्देशन जारी भएको हो । निमन्त्रणा भएमा सोको जानकारी माथिल्लो तहमा गराउन भनिएको छ ।
सम्बन्धित प्रहरी अधिकृतहरूले कुनै कार्यक्रममा जानुपरे कार्यक्रमको विषय–वस्तु, विषय विज्ञता, कार्यक्रमका सम्बन्धमा सांगठनिक धारणा र राय सुझाव के–कस्ता हुन सक्छन् भनेर महानिरीक्षकको सचिवालयमा जानकारी गराउनुपर्ने छ । जानकारी नदिई आफूखुशी सहभागी हुने र अभिव्यक्ति पनि दिने काम भए कारबाहीको भागिदार बन्नुपर्ने उक्त निर्देशनमा भनिएको छ ।
महानिरीक्षक कुँवरले अबदेखि कुनै पनि कार्यक्रममा सहभागी भएर बोल्नुअघि अनुमति लिनुपर्ने नियम लागु गरेका छन् । प्रहरी कर्मचारीहरूले आफ्नो व्यावसायिकता, अनुशासन, कर्तव्य एवं जिम्मेवारी बोध गरी उदाहरणीय बनी नेतृत्व गर्नुपर्ने भएकाले अब उप्रान्त कुनै पनि प्रहरी कर्मचारीलाई आउने निमन्त्रणाबारे प्रहरी प्रधान कार्यालयका विभागहरूमा जानकारी दिन भनिएको छ ।
प्रहरीको केन्द्रीय अनुसन्धान ब्यूरो, काठमाडौं उपत्यका प्रहरी कार्यालय तथा प्रदेश प्रहरी कार्यालयहरूले पनि सचिवालयमा जानकारी दिएर अनुमति लिनुपर्ने भएको छ । काठमाडौं उपत्यका प्रहरी कार्यालय मातहत कार्यालयहरूले काठमाडौं उपत्यका प्रहरी कार्यालयबाट र प्रदेश प्रहरी कार्यालय मातहत कार्यालयहरूले प्रदेश प्रहरी कार्यालयलाई जानकारी दिई त्यसबारे प्रहरी महानिरीक्षकको सचिवालयमा विवरण दिने व्यवस्था कायम गर्न निर्देशन गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनागरिकको सुरक्षालाई पहिलो प्राथमिकामा राखेर काम गर्न डिआइजी आचार्यको निर्देशन
असोज ९, २०८१ बुधबार
नेपाल प्रहरीका ४१ एसपीको सरूवा, को कहाँ ?
असोज ८, २०८१ मंगलबार
निर्वाचन आयोगद्वारा स्थानीय तह उपनिर्वाचनको कार्यतालिका सार्वजनिक
असोज १०, २०८१ बिहिबार
कोशी ब्यारेजबाट खसेको बसका सबै यात्रुको उद्धार
असोज १०, २०८१ बिहिबार
धादिङको चिरौदीमा सुक्खा पहिरो, कारसहित पुरिएका चार जनाको सकुशल उद्धार
असोज १०, २०८१ बिहिबार
शिगेरु इशिबा बन्ने भए जापानको नयाँ प्रधानमन्त्री
असोज ११, २०८१ शुक्रबार
आईपीएल टिम कोलकोताको मेन्टर बने ब्राभो
असोज ११, २०८१ शुक्रबार
जबरजस्ती करणी गरेको अभियोगमा पक्राउ
असोज ११, २०८१ शुक्रबार
झरीका कारण काठमाडौंको जनजीवन प्रभावित
असोज ११, २०८१ शुक्रबार
विभिन्न स्थानबाट अवैध लागूऔषधसहित आठ जना पक्राउ
असोज ११, २०८१ शुक्रबार
बीपी राजमार्ग एकतर्फी सञ्चालन
असोज ११, २०८१ शुक्रबार