घलेम्दी हाइड्रोपावरको शेयर लिलामी बिक्री खुला हुँदै

२ माघ, काठमाडौं । घलेम्दी हाइड्रोपावरले ३२ लाख १७ हजार ७२४ कित्ता शेयर लिलामीका लागि बिक्री खुला गर्दैछ। कम्पनीले सर्वसाधारण समूहको लागि माघ ९ देखि शेयर बिक्री गर्न लागेको हो। यस लिलामीमा लगानीकर्ताले न्यूनतम् १०० रूपैयाँलाई आधार मानेर प्रतिस्पर्धीहरुले बोलपत्रमा सहभागी हुनुपर्नेछ।

यसमा न्यूनतम् १०० कित्ता देखि अधिकतम सबै कित्ताका लागि आवेदन दिन सकिनेछ। यसअघि कम्पनीले गत मंसिर १० गतेदेखि पुस १६ गतेसम्म २०० प्रतिशत हकप्रद बिक्री खुला गरेको थियो। जसमध्ये सर्वसाधारण समूहलाई छुट्याइएको १ करोड १० लाख कित्ता हकप्रद सेयरमा ७७ लाख ८२ हजार २७६ कित्ताका लागि मात्र आवेदन परेको थियो। 

सो अवधिमा कम्पनीले बिक्री नभएको बाँकी शेयर कम्पनीले लिलामीमा ल्याउन लागेको हो। आवेदन दिने अन्तिम म्याद माघ २३ गतेसम्म रहेको छ। यसमा बिक्री प्रबन्धकको काम मुक्तिनाथ क्यापिटलले गर्नेछ।