चिनियाँ उपमन्त्री हेयान आज नेपाल आउँदै

११ माघ, काठमाडाै‌ं । चिनियाँ कम्युनिस्ट पार्टीका अन्तर्राष्ट्रिय विभागका उपमन्त्री सुन हेयान नेतृत्वको प्रतिनिधि मण्डल आज नेपाल आउँदैछ ।  

अन्तर्राष्ट्रिय विभागका उपमन्त्री हेयान नेतृत्वको प्रतिनिधि मण्डल आज बिहान ११ः ०० बजे नेपाल भ्रमणमा आउन लागेको परराष्ट्र मन्त्रालयले जनाएकाे छ ।

चार दिने भ्रमणको क्रममा उनले राष्ट्रपति रामचन्द्र पौडेल, प्रधानमन्त्री पुष्पकमल दाहाल प्रचण्ड, एमाले अध्यक्ष केपी शर्मा  लगायत विभिन्न दलका शीर्ष नेता एवं विशिष्ट व्यक्तिहरूसँग भेटघाट गर्ने कार्यक्रम रहेको जनाइएको छ ।