बीपीवाद निर्माण अभियानको अथितिमा शेखर

२१ माघ, जनकपुरधाम । बीपी कोइराला सोसलिष्ट इन्टरनेशनल नेपालले बीपी कोइरालाको बीपीवाद निर्माणको लागि सातवटै प्रदेशमा अभियान सुरु गरेको छ । कांग्रेसमा ओझेलमा पर्दै गएको बीपीको समाजवाद, विचार, अवधारणा पुनरजागरणका लागि बीपी कोइराला सोसलिष्ट इन्टरनेशनल नेपालले अभियान थालेको हो ।

शनिबार जनकपुरमा भएको संस्थाको भेलाले अगामी २९ गते जनकपुरमा मधेश प्रदेशस्तरीय वर्तमान सन्दर्भमा वीपी र समाजवाद विषयको कार्यक्रमको आयोजन गर्ने तय गरेको छ । जसमा प्रमुख अतिथिको रुपमा कांग्रेसका नेता शेखर कोइराला सहभागी हुने संस्थाकी केन्द्रीय अध्यक्षसमेत रहेकी कोशी प्रदेशकी प्रदेश सांसद इन्दिरा थापाले जानकारी दिइन् ।