पूर्वमन्त्री बुढाथोकीको निधनप्रति सभामुखको समवेदना

२३ माघ, काठमाडौं । प्रतिनिधिसभाका सभामुख देवराज घिमिरेले नेपाली कांग्रेसका नता, पूर्वमन्त्री एवं संविधानसभा सदस्य केशवकुमार बुढाथोकीको निधनप्रति दुःख व्यक्त गरेका छन् । दुःखद घडीमा उनले दिवंगत आत्माको चिरशान्तिको कामना गर्दै परिवार तथा आफन्तजनमा गहिरो समवेदना प्रकट गरेका छन् ।

 
८० वर्षको उमेरमा बुढाथोकीको गए राति उपचारका क्रममा विराटनगरस्थित विराट नर्सिङ होममा निधन भएको थियो । पूर्वमन्त्री, संविधानसभा सदस्य÷पूर्वसांसद, नेपालको लोकतान्त्रिक आन्दोलनका अग्लो राजनीतिज्ञ, नेपाली कांग्रेसका नेता, मेरो मित्र केशवकुमार बुढाथोकीको गए राति विराटनगरमा भएको निधनले मर्माहत बनाएको उनले बताएका छन् । 

सभामुखद्वारा जारी शोक वक्तव्यमा दुःखद घडीमा दिवंगत आत्माको चिरशान्तिको कामना गर्दै परिवार तथा आफन्तजनमा गहिरो समवेदना प्रकट गर्दछु भनिएको छ ।