श्रीपञ्चमीको अवसरमा राष्ट्रपति पौडेलद्वारा वसन्त श्रवण

२ फागुन, काठमाडौं । वसन्त पञ्चमीको अवसरमा आज राष्ट्रपति रामचन्द्र पौडेलले काठमाडौंको वसन्तपुरस्थित हनुमानढोकाको नवसाल चोकमा वसन्त श्रवण गरेका छन् । 

श्रीपञ्चमी/वसन्तपञ्चमीको अवसरमा हनुमानढोकाको नवसाल चोकमा राष्ट्रप्रमुखले वसन्त श्रवण गर्ने प्रचलन रहि आएको छ ।  सो अवसरमा उपराष्ट्रपति, प्रधानमन्त्री, सभामुख, प्रधानन्यायाधीश, गृहमन्त्रीलगायत सहभागी थिए । वसन्तपञ्चमीको दिन वसन्तश्रवण गरे मात्रै पनि सुख, शान्ति र समृद्धि प्राप्त हुने कथन छ ।

वसन्तपञ्चमीको दिनबाट वसन्त ऋतु सुरुवात भएको मानिन्छ । यस दिनबाट नै संसारको स्वरूपले नै नयाँ रूप लिने विश्वास रहि आएको छ ।