मगर दिवस: १५ फागुनमा भलिबल प्रतियोगिता आयोजना

६ फागुन, पर्वत । पर्वतमा १५ फागुनमा पुरुष भलिबल प्रतियोगिता आयोजना गरिएको छ । पैयुँ गाउँपालिका ७ भोर्ले काभ्राभञ्ज्याङ स्थित जनचेतना युवा मगर समूहले ४२ औं मगर स्थापनाको अवसरमा वडा स्तरीय पुरुष भलिबल प्रतियोगिता आयोजना गरिएको हो ।

‘आजको युवाको चाहना, समृद्ध गाउँ निर्माणको लागि जनचेतना’ भन्ने नाराका साथ आयोजना गरिएको भलिबल प्रतियोगितामा प्रथम हुने टीमले नगद ८० हजार रुपैयाँ, ट्रफी, मेडल र प्रमाण पत्र, द्वितीय हुने टीमले नगद ४५ हजार रुपैयाँ, ट्रफी, मेडल र प्रमाण पत्र पाउँनेछन् । सेमिफाइनल पुग्ने दुवै टीमलाई नगद १३ हजार रुपैयाँ, ट्रफी, मेडल र प्रमाण पत्र प्राप्त गर्नेछन ।

खेल अवधिभर उत्कृष्ट हुने खेलाडीले नगद १ हजार रुपैयाँ जर्सी, ट्रफी र प्रमाण पत्रको व्यवस्था प्राप्त गर्नेछन् । अन्य विधाहरु तर्फ बेस्ट स्पाइकर, बेस्ट ब्लकर, बेस्ट क्विकर, बेस्ट सर्भिस, बेस्ट डिफेन्स, बेस्ट सेटर र बेस्ट कोचले जर्सी, ट्रफी र प्रमाण पत्रको व्यवस्था गरिएको छ ।

खेल एभीएको नियम अनुसार टी.टी. प्रणालीमा खेलाइने जनचेतना युवा मगर समूहका अध्यक्ष मोहन रानाले बताए । उनका अनुसार एक टीममा १० जना खेलाडी, एकजना प्रशिक्षक र एकजना टीम व्यवस्थापक हुनुपर्नेछन । 

हालको वडा स्तरीय हुने खेल ‘वेस्ट अफ थ्री’ खेलाइनेछ । सेमिफाइनल र फाइनल खेल ‘बेस्ट अफ फाइभ’ हुनेछन् । १० टीम भन्दा कम समूह साहभागि भएका लिग प्रणाली अनुसार खेलाइने छ । टीम दर्ता शुल्क ५ हजार रुपैयाँ ताेकिएकाे छ ।

फागुन ८ र ९ गते सम्म इच्छुक टीम/समूहले सहभागिता दर्ता गर्न सक्नेछन् । उद्घाटन खेल फागुन १० गते हुने क्लब सचिव नरेश थापाले जानकारी दिए ।

कार्यक्रम अवधिभर स्थानीय मौलिक सांस्कृतिक तथा मनोरञ्जनात्मक कार्यक्रम प्रस्तुत गरिने आयोजनाले जनाएको छ । १५ फागुन अर्थात मगर स्थापना दिवसका दिन राष्ट्रिय स्तरका ख्यातीप्राप्त कलाकारहरुकाे प्रस्तुति हुनेछन् ।