सैनिक मञ्च टुँडीखेलमा पत्रकारलाई प्रवेश निषेध

७ फागुन, काठमाडौं । प्रजातन्त्र दिवसको अवसरमा भएको कार्यक्रममा पत्रकारलाई प्रवेश निषेध गरिएको छ । सैनिक मञ्च टुँडीखेलमा भएको कार्यक्रममा समाचार संकलनका लागि पुगेका पत्रकारलाई प्रवेशमा रोक लगाइएको हो । 

पत्रकारलाई प्रवेशमा रोक लगाएपछि पत्रकारहरुले क्यामेरा डाउन गरेर सांकेतिक विरोध गरेका छन् । सूचना विभागले उपलब्ध गराएको प्रेस कार्ड देखाउँदा पनि प्रवेश दिइएको छैन । 

सैनिक मञ्च टुँडिखेलमा सरकारले आयोजना गरेको कार्यक्रममा पत्रकारलाई प्रवेश गर्न निषेध गरिएको हो । सरकारले निमन्त्रणा गरेकाबाहेकका पत्रकारलाई भित्र छिर्न नदिइएको पीडित पत्रकारहरूले बताएका छन् ।