सडकमा दूध पोखेर भुक्तानी माग्दै किसान

१७ फागुन, नवलपरासी । दूधको भुक्तानी नपाएको भन्दै नवलपरासी पूर्वका किसानहरू दूध सडकमा पोखेर विरोध प्रदर्शनमा उत्रिएका छन् । बिहीबार उनीहरूले कावासोतीमा पूर्व–पश्चिम राजमार्ग अवरुद्धसमेत गरेका छन् भने सडकमै दूध खन्याएर सरकारविरुद्ध आक्रोश पोखेका छन् । 

किसानहरूले ’मिल्क होलिडे’ बन्द हुनपर्ने र दूधको मूल्य र बिक्रीको जिम्मा सरकारले लिनुपर्ने माग गरेका छन् । प्रदर्शनका कारण राजमार्गमा यातायातका साधनहरू रोकिएका छन् । पूर्वी नवलपरासीमा दैनिक करिब ७० हजार लिटर दूध बिक्री हुँदै आएको छ । सरकारले दूध तथा दुग्ध पदार्थको मौज्दात बढेपछि दूध तथा दुग्ध पदार्थ आयातमा रोकसमेत लगाएको छ ।