देउवाले बोलाए पदाधिकारी र पूर्वपदाधिकारीहरुको बैठक

२९ फागुन, काठमाडौं । नेपाली कांग्रेसका सभापति शेरबहादुर देउवाले पार्टीको आगामी रणनीति र संघीय संसदमा पार्टीको प्रतिपक्षी भूमिकाबारे छलफल गर्न पदाधिकारी र पूर्व पदाधिकारीहरूको बैठक बोलाएका छन् । 
 
बैठक दिउँसो तीन बजे देउवा निवास बूढानीलकण्ठमा बस्नेछ । बैठकमा सहभागी हुन देउवाले संघीय संसदका पदाधिकारी र पूर्व पदाधिकारीहरूलाई बोलाएका हुन् । संसदमा कांग्रेसले कस्तो भूमिका निभाउने भन्ने बारेमा बैठकमा छलफल हुने कांग्रेसले जनाएको छ ।

सत्ता गठबन्धन परिवर्तन भएपछि सक्रिय भएका सभापति देउवाले पटकपटक बैठक र छलफल गरिरहेका छन् । आज राष्ट्रिय सभा अध्यक्षको निर्वाचन हुँदैछ ।