सहकारी ठगीमा मुछिएकालाई गृहमन्त्री बनाउने प्रधानमन्त्रीलाई विश्वासको मत दिन सकिँदैनः जनमोर्चा

३० फागुन, काठमाडौं । राष्ट्रिय जनमोर्चाका अध्यक्ष चित्रबहादुर केसीले प्रतिनिधिसभामा उपप्रधान तथा गृहमन्त्री रवि लामिछानेमाथि प्रश्न उठाएका छन् । केसीले सहकारी ठगी प्रकरणमा जोडिएका रास्वपा सभापति रवि लामिछानेलाई मन्त्री बनाइएको भन्दै आपत्ति जनाएका छन् ।

बुधबार प्रतिनिधिसभा बैठकमा बोल्दै केसीले आफ्नो पार्टीले प्रधानमन्त्री प्रचण्डलाई विश्वासको मत दिन नसकिने बताए । उनले नागरिकता दुई वटा, पासपोर्ट दुई वटा भएको मान्छेलाई सांसद बनाएको भन्दै गृहमन्त्री बनाएर ठगीमा संलग्न भएको मान्छे नै चाहिने भन्दै प्रधानमन्त्रीलाई प्रश्न गरे । 

वर्तमान प्रधानमन्त्री र पूर्व प्रधानमन्त्री मिलेर सरकारी ठगी गरेको आरोप लागेकालाई उपप्रधान र गृहमन्त्री बनाएको उनको भनाइ थियो । जसलाई गृहमन्त्री बनाउनुभएको छ, उहाँलाई सहकारीको करोडौं ठगी गरेको आइरहेको छ,’ उनले भने ।

९९ प्रतिशतले समर्थन गर्दा पनि आफ्नो पार्टीले समर्थन नगरेको भन्दै आज पनि गर्न नसकिने उनले बताए । कसैले सुन चोर्ने ? कसैले सहकारी चोर्ने ? कोही मिटरब्याजी बन्ने ? यसैका लागि हो सरकार ?’ उनले प्रश्न गरे ।