सोमबार अमेरिकामा खग्रास सूर्यग्रहण लाग्दै, दिउँसै अँध्यारो हुने

२५ चैत, काठमाडाैं । सन् २०२४ को पहिलो सूर्यग्रहण भोलि अर्थात ८ अप्रिलमा लाग्दैछ । वर्षको पहिलो सूर्यग्रहण निकै विशेष हुने भएको छ । यो सूर्यग्रहण कुल ४ घण्टा २५ मिनेटसम्म रहनेछ, जुन ५० वर्षमा सबैभन्दा लामो अवधि हुनेछ । यो सूर्यग्रहणलाई लिएर विश्वभर उत्साहको वातावरण छ ।  

पूर्ण सूर्यग्रहणको छायाँ अमेरिकाको टेक्सासमा दिउँसो १ः२७ बजे सुरु भएर दिउँसो ३ः३५ बजे समाप्त हुनेछ। त्यहाँ लगभग ७ मिनेटको अवधि हुनेछ जब दिन अँध्यारो हुनेछ। भोलि लाग्ने यो सूर्यग्रहण नेपालमा नदेखिए पनि अमेरिकामा स्पष्ट देखिने छ । यो सूर्यग्रहणलाई लिएर अमेरिकामा धेरै विशेष व्यवस्था गरिएको छ । सूर्यग्रहणका हानिकारक किरणले यहाँको सरकार चिन्तित छ । यहाँका जनतामा त्रासको वातावरण छ ।

अमेरिकाका धेरै क्षेत्रमा संकटकाल घोषणा गरिएको छ । सूर्यग्रहणको असरबारे हवाई यातायात र विमानस्थललाई पनि चेतावनी दिइएको छ । ग्रहणलाई ध्यानमा राख्दै अमेरिकामा सुरक्षाको विशेष ध्यान दिइएको छ । बालबालिकाको सुरक्षाका लागि धेरै राज्यमा ८ अप्रिलमा विद्यालय बन्द गर्ने निर्णय गरिएको छ ।

मानिसहरूलाई घरभित्रै बस्न अपिल
सूर्यग्रहणको हानिकारक प्रभावबाट बच्न अमेरिकी सरकारले यस दिन आफ्ना नागरिकहरूलाई घरमै बस्न अपिल गरेको छ । सरकारले खाद्यान्न, ग्यासजस्ता अत्यावश्यक वस्तुहरू पहिले नै सङ्कलन गर्न सर्वसाधारणलाई घरबाहिर ननिस्कन आग्रह गरेको छ ।

अमेरिकी अधिकारीहरुका अनुसार यो सूर्यग्रहण दिन बित्दै जाँदा झन् खतरनाक हुँदै जानेछ । त्यसैले मानिसहरु लापरवाही हुनुहुँदैन र गल्तीले पनि सीधै सूर्यतिर हेर्नु हुँदैन, अन्यथा सूर्यको हानिकारक किरणले आँखालाई हानि पु¥याउन सक्छ ।

ग्रहणको समयमा यी कुरामा ध्यान दिनुहोस्

सूर्यग्रहणको समयमा खाना पकाउनु वा खाना खानु हुँदैन। सूर्यको हानिकारक किरणले खाना दूषित हुने र स्वास्थ्यमा नराम्रो असर पर्ने जनविश्वास छ । ग्रहणको समयमा भगवानको मुर्तिलाई छुनु हुँदैन र भूलवश पनि पूजा गर्नु हुँदैन ।

यस समयमा गर्भवती महिलाले विशेष ध्यान दिनुपर्छ। तिनीहरूले कुनै पनि धारिलो वस्तु प्रयोग गर्नु हुँदैन। यस अवधिमा तुलसी, पीपल र बरको रुखलाई छुनु हुँदैन ।

यो सूर्यग्रहण नेपालबाट भने देखिने छैन । यो सूर्यग्रहणको असर समेत नेपालमा नपर्ने र नेपालबाट नदेखिने बताइएको छ । सूर्य, चन्द्रमा र पृथ्वी सीधा रेखामा आउँदा सूर्यग्रहण लाग्छ । सामान्यतया, यो खगोलीय घटना सूर्य र पृथ्वीको बीचमा चन्द्रमा आएको कारणले हुन्छ र केही समयका लागि कुनै खास क्षेत्रमा अन्धकार हुन्छ ।