समसायिक विषयमा छलफल गर्त कांग्रेसले बोलायो संसदीय दलको बैठक

२६ चैत, काठमाडौं । नेपाली कांग्रेसले संसदीय दलको बैठक बोलाएको छ । मंगलबार बिहान ८ बजे बस्ने गरी संसदीय दलको बैठक बोलाइएको हो ।

शीर्ष तहका नेताको बैठकमा संसदीय दलको बैठक बोलाउने निर्णय गरिएको छ । बैठकमा संसदका समसायिक विषयमा छलफल हुने बताइएको छ ।  यस्तै बैठकमा बजेट अधिवेशनको तयारी, संसद्‌मा आएका विधेयक, संसद्को अहिलेको अवस्थाबारे छलफल हुनेछ । 

मंगलबार प्रतिनिधि सभाको बैठक बोलाइएको छ । कांग्रेसले गृहमन्त्री रवि लामिछानेले सहकारीको रकम अपचलन गरेको विषयमा छानबिनका लागि संसदीय समितिको माग गर्दै आएको छ ।

उपप्रधान तथा गृहमन्त्री रवि लामिछाने सहकारी प्रकरणमा जोडिएको भन्दै प्रमुख प्रतिपक्षी कांग्रेसले संसदीय छानबिन समिति गठनको माग गर्दै आएको हो।

सहकारीको विषय केही तथ्यहरुसँग जोडिएकाले छानबिन प्रभावित हुने स्थिति भएको कारणले संसदीय समिति बनाउने कांग्रेसले माग गरेको छ ।