भृकुटीमण्डपमा भोलीदेखि १७ औं नेपाल र चीन तिव्वत व्यापार मेला

१६ वैशाख, काठमाडौं । भोली वैशाख १७ गते देखि काठमाडौंको भृकुटीमण्डपमा नेपाल चीन तिब्बत मेला सुरु हुने भएको छ । नेपाल सरकार र चीनको स्वशासित क्षेत्र तिव्वतको वाणिज्य विभागवीच सन् १९९० मा सम्पन्न दुई देशका सरकारहरुको वीच भएको सम्झौता अनुसार प्रत्येक नेपाल र चीनको स्वशासित क्षेत्र तिव्वतमा दुई वर्षमा आलोपालो हुने गरी आर्थिक तथा व्यापार मेला आयोजना गर्ने सम्झौता बमोजिम यसपटक नेपालमा मेला आयोजना गर्ने गरी तयारी गरिएको हो । 

नेपाल चीन (तिब्बत) बीच दुई पक्षीय आर्थिक र व्यापारिक सम्वन्ध अझ विस्तार गर्ने मेलाको प्रमुख उद्देश्य रहेको छ । यस ब्यापार मेलामा चीनको स्वशासित क्षेत्र (तिब्बत)का सरकारी प्रतिनिधिको रुपमा चीनको स्वशासित क्षेत्र तिव्वत सरकारका उपाध्यक्ष महामहीम लाङ फुकुनको नेतृत्वमा ५ सदस्यीय उच्चस्तरीय प्रतिनिधिमण्डल सहित करिब १२० जना ब्यापारी प्रतिनिधिहरु सहभागिता रहनेछन् । 

मेलामा चीनको स्वशासित क्षेत्र (तिब्बत)को तर्फबाट ५० स्टलहरु रहने छ्न् । चीनको स्वशासित क्षेत्र तिब्बतका स्टलहरुमा परम्परागत जडीबुटी, कृषिजन्य उत्पादन, आधुनिक कृषि औजार, चिया, विद्युतीय उपकरणहरु, घरायशी प्रयोगका साधनहरु, कार्पेट, पेयपदार्थ, परम्परागत हस्तकलाका सामानहरु, परम्परागत धुप, द्विपाँग्रे, तीन पाँगे्र र चार पाँग्रे विद्युतीय सवारी साधान, सौन्दर्य प्रशाधनका अतिरिक्त बिभिन्न व्यापारिक कम्पनीहरुले समेत् भाग लिने छन् । 

यसैगरी नेपालको तर्फबाट १५ ओटा स्टल रहने छन् । नेपाली स्टलहरुमा जडीबुटी, सारयुक्त सुगन्धित तेल, कफी, चिया, हस्तकला÷काष्ठकला, धातुकला, कार्पेट, पश्मिना लगायतका विभिन्न कम्पनीका उत्पादनहरु प्रदर्शित गरिनेछन् । मेलाको अवसरमा दुई पक्षबीच द्यद्दद्य ,द्यद्दन्, र न्द्दन् लगायतका व्याबसायिक ःभभतष्लन को आयोजना हुने छन् मेला बिहान १०ः.०० देखि बेलुका ६.ः ०० बजेसम्म खुल्ला रहने छ । मेलामा प्रबेश निः शुल्क गरिएको छ ।