वर्तमान निर्वाचन प्रणाली रहेसम्म देशमा विकास सम्भव छैन  : नेता कोइराला

१६ वैशाख, काठमाडौं । नेपाली कांग्रेसका नेता डा. शेखर कोइरालाले वर्तमान निर्वाचन प्रणाली रहेसम्म देशमा विकास सम्भव नहुने ठोकुवा गरेका छन् । 
मोरङका बूढीगंगा गाउँपालिकाको प्रशासनिक भवनको शिलान्यास कार्यक्रमलाई आइतबार सम्बोधन गर्दै उनले यो निर्वाचन प्रणाली रहेसम्म कुनै पनि पार्टीको बहुमत नआउने र पार्टीको बहुमत बिना देशमा विकास सम्भव नहुने बताए ।   
अहिलेको निर्वाचन प्रणाली फेर्न संविधान संशोधन गर्नु पर्ने र यसका लागि एमाले काँग्रेस मिल्नु पर्ने कोइरालाले बताए । 

कुनै पनि पार्टीको बहुमत नआउने र पार्टीको बहुमत बिना देशमा विकास सम्भव नहुने दाबी गरे । नेपाली कांग्रेसका नेता डा. शेखर कोइरालाले देशको विकासका लागि एमाले र कांग्रेस मिल्नु पर्ने बताएका छन् ।

मोरङका बूढीगंगा गाउँपालिकाको प्रशासनिक भवनको शिलान्यास कार्यक्रमलाई सम्बोधन गर्दै उनले यो निर्वाचन प्रणाली रहेसम्म कुनै पनि पार्टीको बहुमत नआउने र पार्टीको बहुमत बिना देशमा विकास सम्भव नहुने दाबी गरे ।

उनले भने, ‘अहिलेको निर्वाचन प्रणाली रहेसम्म कुनै पनि दलले बहुमत ल्याउने अवस्था छैन । बहुमत नआउँदा अहिलेकै जस्तो सरकार बनाउने र गिराउने खेल चलिरहन्छ । जसले गर्दा मुलुकको विकासमा अवरोध पुग्दछ ।’ अहिलेको निर्वाचन प्रणाली फेर्न संविधान संशोधन गर्नु पर्ने र यसका लागि एमाले काँग्रेस मिल्नु पर्ने कोइरालाले बताए ।
 

उनले अहिलेको संविधान संशोधन गर्न दुई तिहाइ आवश्यक पर्ने र त्यसका लागि काँग्रेस र एमाले मिल्नुको विकल्प नभएको बताए । उनले थपे, ‘कांग्रेस र एमाले मिलेकै कारण संविधानसभाबाट संविधान जारी भयो । अब देशलाई केन्द्रबिन्दुमा राखेर दुइटा दल मिल्नुपर्छ ।’
नेता कोइरालाले सरकार फेरिएपिच्छे ‘पोलिसी’ पनि फेरिने गरेको बताए । उनले अन्य देशमा सरकार परिवर्तन भए पनि पोलिसी भने एउटै हुने गरेकाले विकासमा असर नपरेको बताए ।

उनले देउवाजी, ओलीजी, माधवजी, प्रचण्ड जी, झलनाथ जी, बाबुरामजीहरू पटक–पटक प्रधानमन्त्री बन्दा देशमा के गरेको भन्दै प्रश्न गरे । उनले भने, ‘आखिर उहाँहरूले के गर्नुभयो ? प्रधानमन्त्री को बन्ने भन्ने विषय गौण हो । दुई दल मिलेर देशलाई निकास दिनुको विकल्प छैन ।’