अशोक राई समूहको निवेदन आयोगमा दर्ता, यी हुन् जसपा विभाजन पक्षका ७ सांसद

२३ वैशाख, काठमाडौं । जनता समाजवादी पार्टी नेपाल विभाजन गर्ने गरी अशोक राईसहित ७ सांसदले दिएको निवेदन निर्वाचन आयोगमा दर्ता भएको छ ।

वरिष्ठ नेता अशोक राई आफ्नो पक्षमा बहुमत रहेको दाबीसहित नयाँ दल दर्ताको निवेदन लिएर आज अपरान्ह निर्वाचन आयोग पुगेका हुन् ।

हाललाई नयाँ दलको नाम जसपा मात्र राखिएको राई निकट स्रोतले बतायो ।  जसपा नेपालका अध्यक्ष उपेन्द्र यादव हाल अमेरिकाको भ्रमणमा छन् । उनी आजै राति नेपाल फर्कने कार्यतालिका छ ।

प्रतिनिधिसभामा हाल जसपाका १२ सांसद छन् । तीमध्ये विभाजनको पक्षमा ८ जना सांसद रहेको दावी राई समूहको छ ।
नयाँ दल दर्ताको निवेदन लिएर यी ७ सांसद आयोग पुगेका हुन् ।

१. अशोककुमार राई

२. नवल किशोर साह

३. रञ्जु ठाकुर

४. हसिना खान

५. वीरेन्द्र महतो

६. सुशीला श्रेष्ठ

७. प्रदीप यादव

साह संघीय सरकारमा वन तथा वातावरण मन्त्री समेत छन् ।