गाडीको ठक्करबाट भक्तपुरमा पैदलयात्रीको मृत्यु्

२५ वैशाख, भक्तपुर। अरनिको राजमार्ग अन्तर्गत भक्तपुरको मिलनचोकमा मंगलबार दुर्घटना हुँदा एक जनाको मृत्यु भएको छ। बोलेरो गाडीले पैदलयात्रीलाई ठक्कर दिँदा पैदल यात्रीको मृत्यु भएको हो।

साँगाबाट जगातीतर्फ आउँदै गरेको ना.५ख. २३६१ नम्बरको बोलेरो गाडीले गोरखा पालुमटार नगरपालिका वडा नम्बर २ घर भई हाल भक्तपुर सूर्यविनायक नगरपालिका वडा नम्बर ९ नलिन्चोक वस्दै आएका ३८ वर्षीय कमल बयलकोटीलाई ठक्कर दिएको थियो। ठक्करपछि गम्भीर घाइते भई उपचारका लागि डा. ईवामुरा अस्पताल भक्तपुर लागिएकोमा थप उपचारको लागि सुमेरु अस्पताल ललितपुर रेफर भएपछि उनको उपचारकै क्रममा आज साँझ निधन भएको हो।

प्रहरी वृत्त जगाती भक्तपुरबाट अनुसन्धान अधिकृतसहितको टोली खटिएर घटनाको अनुसन्धान गरिरहेको प्रहरीले जनाएको छ। ठक्कर दिने बोलेरो गाडी र सवारी चालक सर्लाही लालबन्दी नगरपालिका वडा नम्बर १६ बस्ने बर्ष २३ को सागर माझी प्रहरी वृत्त जगातीको नियन्त्रणमा राखिएको परिसरका सूचना अधिकारी राजन कार्कीले जनाए। घटनाको सम्बन्धमा थप अनुसन्धान कार्य भइरहेको जनाइएको छ।