सर्वोच्च अदालतमा बिहीबारका सबै सुनुवाइ स्थगित

२७ वैशाख, काठमाडौं । बिहीबार सर्वोच्च अदालतका सबै सुनुवाइ स्थगित भएका छन् । पूर्वन्यायाधीश हरिजंग सिजापतिको निधन भएकाले सर्वोच्च अदालतमा तोकिएका सबै पेशीको सुनुवाइ स्थगित भएको हो । 
 
पेशी तोकेर सुनुवाइमा चढिसकेका सबै मुद्दा आज स्थगित भएको सर्वोच्च प्रशासनले जनाएको छ । आज गण्डकी प्रदेश र सुदूरपश्चिम प्रदेश सरकारसम्बन्धी विवादको सुनुवाइ हुने तय भएपनि योसहित सबै स्थगित हुने भएको छ । प्रशासनीक कार्यहरु भने निरन्तर हुने सर्वोच्चले जनाएको छ ।